Bugun,

  • USD 10940.05
  • RUB 182.26
  • EUR 11121.65

Sardoba suv omborida 1-may kuni tong soat 5:55 da yuz bergan avariya holati — texnogen hodisa. Bu haqda O‘zbekiston suv xo‘jaligi vaziri o‘rinbosari Vohidjon Ahmadjonov “Xabar.uz” nashriga bergan intervyusida ta’kidlab o‘tdi.

Kadr: Telegram

Kadr: Telegram

Ahmadjonovning ta’kidlashicha, vazirlik huzurida “Davsuvxo‘jaliknazorat” inspeksiyasi mavjud, bu tashkilot O‘zbekistonda mavjud barcha yirik suv inshootlarining texnik holatini tekshirib turish vazifasini bajaradi.

“Agar suv omborlarida biror kamchilik aniqlansa, tegishli tashkilotlarga ma’lum qilinadi. Inspeksiya qoshida diagnostika markazi bor, u yirik suv inshootlarini har besh yilda tekshirib, xavfsizlik deklaratsiyasi qabul qiladi”, — dedi u.

Avvalroq Sardoba suv omboridagi avariyaga, mutaxassislar fikricha, kuchli yomg‘ir va shamol sabab bo‘lganini ma’lum qilingan edi (aynan qaysi mutaxassislar shunday xulosaga kelgani aytilmagan). Suv xo‘jaligi vaziri o‘rinbosari ham bu fikrni ma’qulladi.

“Sardobadagi hodisa, mutaxassislar aytganidek, kuchli yomg‘ir va shamol natijasida vujudga kelgan to‘lqin loyihaviy rejadan ortiq bo‘lishi natijasida kelib chiqqan. Bu texnogen hodisa deyiladi”, — dedi Vohidjon Ahmadjonov.

Sirdaryo viloyatida 1-may kuni tongda Sardoba suv ombori to‘g‘oni piketlaridan birining yorilib ketishi oqibatida suv toshqini yuz bergan; 2-may tongi holatiga ko‘ra 70 mingga yaqin aholi xavfsiz hududga ko‘chirilgan, kamida 56 kishi turli tan jarohatlari bilan kasalxonalarga yotqizilgan.

Prezident Shavkat Mirziyoyev ayni vaqtda Sirdaryo viloyatida bo‘lib turibdi; davlat rahbari “sharoit yaxshilanmagunicha birorta rahbar hech qayerga ketmasligi”ni ta’kidlagan.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi