Majburiy ijro byurosining Yangiobod tuman bo‘limi tomonidan tuman “Agroservis” MTP hisobidan 16 nafar fuqaroga jami 65,2 million so‘mlik ish haqi undirib berildi. Bu haqda MIB axborot xizmati “Daryo”ga xabar berdi.
Ma’lum bo‘lishicha, fuqarolik ishlari bo‘yicha Zarbdor tumanlararo sudining 2019-yil 12-iyundagi qaroriga ko‘ra, Yangiobod tuman “Agroservis” MTP hisobidan fuqaro X.Xoliqnazarov foydasiga 31,9 million so‘m, fuqaro Z.Eshonqulov foydasiga esa 11,5 million so‘m miqdoridagi ish haqi undirish to‘g‘risidagi ijro hujjatlari MIB tuman bo‘limi ish yurituviga kelib tushgan va davlat ijrochisi tomonidan olib borilgan ijro harakatlari davomida ushbu pul mablag‘lari to‘liq undirilishi ta’minlangan.
Qayd etishlaricha, fuqaro Z.Eshonqulov betobligi sababli naqd pullar MIB tuman bo‘limi xodimlari tomonidan uning xonadoniga yetkazib berilgan.
Mavzuga doir:
- Toshkentda noqonuniy daraxt kesganlardan salkam 2 mlrd so‘m moddiy zarar undirildi. Ikki nafar ayblanuvchiga nisbatan garov ehtiyot chorasi qo‘llanildi
- MIB Yangiyo‘lda 645 mln so‘mlik soliq qarzini undirdi. Qarzdor pullarni naqd ko‘rinishda to‘lagan
- Sariosiyoda MIB tomonidan 7,5 mlrd so‘mdan ortiq qarzdorlik undirildi
Izoh (0)