Rossiyalik drift ustasi Sergey Kabargin o‘zining YouTube’dagi kanali orqali 1990-yillarning ikki afsonaviy modelini krash-testdan o‘tkazdi.
O‘zaro to‘qnashuvda Mercedes-Benz S-Class W140 hamda E38 seriyaga kiruvchi BMW 7 ishtirok etdi.
1990-yillarda Rossiyada har qanday W140 va BMW 7 xavfli o‘yinlarda ishtirok etgan. Mashinalar bir-birga qarshi harakatlangan va haydovchilardan hech biri boshqasiga yo‘l berishni istamagan. Albatta, oxir-oqibat kimdir rulni boshqa tarafga burib yuborgan. Kanal mualliflari agarda ushbu holatda to‘qnashuv sodir bo‘lganida qaysi tomon yutishi mumkinligini sinab ko‘rdi.
Vaziyat modellashtirildi va bu kabi to‘qnashuvlarda W140 salonida bo‘lish afzallroq ekanligi aniqlandi. Krash-testdan so‘ng uning eshilari ochilib-yopilgan, old oynalari sinib ketmagan. BMW’ning esa eshiklari deformatsiyaga uchrab, old oynalari parchalangan.
Izoh (0)