Rossiya yadroviy sinovlarni o‘tkazishning taqiqlanishi to‘g‘risidagi o‘z majburiyatlarini buzgani yo‘q. Bu haqda Rossiya tashqi ishlar vaziri o‘rinbosari Sergey Ryabkovga tayanib, “Kommersant” xabar berdi.
Ryabkov AQSh Davlat departamentining 2019-yil uchun dunyo mamlakatlari qurollanishining nazorati borasidagi kelishuvlarga rioya qilishi to‘g‘risidagi hisobotiga izoh bergan. Ushbu hisobotda Rossiya yadroviy qurolni sinovdan o‘tkazgani yozilgan.
“Vashington tomonidan bizning manzilimizga yarim yildan beri bildirilayotgan ta’na-dashnomlarga ko‘ra, biz yadroviy qurollar sinovi to‘g‘risidagi o‘zimizning moratoriyga to‘liq rioya qilmayotgan ekanmiz. Yana bir bor takrorlaymiz, biz yadroviy sinovlarga qo‘yilgan bir tomonlama moratoriyimiz hamda bizning ‘Yadroviy sinovlarni har tomonlama taqiqlash to‘g‘risida’gi bitimning ratifikatsiyasida ko‘rsatilgan majburiyatlarimizdan chetga chiqqanimiz yo‘q”, — deydi vazir o‘rinbosari.
Shu bilan birga, Ryabkovning ta’kidlashich, AQSh “ko‘plab alomatlar bilan”, xususan, Amerika ixtisoslashgan tuzilmalarining maqolalariga ko‘ra, “yuqori shay holatda turgan Nevada poligonida sinovlarni o‘tkazish yo‘lida turgan bo‘lishi mumkin”. U Vashingtonni jahon hamjamiyatiga yadroviy sinovlar borasida yolg‘on ma’lumot tarqatmaslikka chaqirdi.
Avvalroq AQSh Rossiya 15-aprel kuni sun’iy yo‘ldoshni urib tushirishga qodir raketani sinovdan o‘tkazganini ma’lum qilgandi.
Izoh (0)