16-aprel kuni AOKA huzuridagi shtabda bo‘lib o‘tgan brifingda “Tovar-xomashyo birjasi” AJ axborot xizmati rahbari Hikmatilla Tillaboyev karantin vaqtida onlayn auksionda xarid qilingan avtoraqamlarni rasmiylashtirish yuzasidan berilgan savolga javob berdi. Bu haqda “Daryo” muxbiri Musulmonbek Ibrohimov xabar bermoqda.
Onlayn auksionda xarid qilingan avtoraqamlarni rasmiylashtirish uchun 10 kun muddat berilgan. Lekin ayni paytda xarid qilingan avtoraqamlarni rasmiylashtirish imkoni mavjud emas. Bu holatda xaridorlarga jarima qo‘llaniladimi, degan savolga matbuot kotibi quyidagicha javob berdi:
“Ichki ishlar vazirligi tomonidan berilgan ma’lumotlarga ko‘ra, bugungi kunga kelib karantin rejimi munosabati bilan onlayn auksion orqali xarid qilingan va rasmiylashtirilmagan avtoraqamlar uchun savdo qoidalarida nazarda tutilgan jarimalar qo‘llanilmaydi.
Izoh (0)