Xitoyning “Guanchjou Evergrand” klubi o‘ziga yangi stadion qurishni boshladi, deya xabar qilmoqda Sky Sports.
Ta’kidlanishicha, arena 100 ming tomoshabin va 168 ta VIP-lojaga mo‘ljallangan bo‘ladi. Loyiha 1,5 milliard yevroga baholanmoqda. Qurilish ishlariga 16-aprel kuni rasman start berildi, loyiha 2022-yilning oxirida tugallanishi reja qilinmoqda.
Stadion nilufar guli shakliga ega bo‘ladi. Loyiha dizayneri Hasan Said.
“Guanchjou Evergrand” 1954-yilda tashkil etilgan. Sakkiz karra Xitoy chempioni va ikki bor Osiyo Chempionlar Ligasi g‘olibi.
So‘nggi yillarda Alibaba Group internet-kompaniyasi klubning yirik aksioneri hisoblanadi. 2020-yilning boshida kompaniya aksiyalari 600 milliard dollardan oshiqqa baholangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)