Dominikan Respublikasi Markaziy saylov komissiyasining 13-aprel, dushanba kuni bo‘lib o‘tgan yalpi majlisida sanitar cheklovlar sabab yuzaga kelgan fors-major holati doirasida prezidentlik saylovlarini 17-maydan 5-iyulga ko‘chirishga ovoz berildi, deb xabar qiladi “RIA Novosti”.
“Markaziy saylov komissiyasi prezidenti Xulio Sesar Kostanyos Gusman sog‘liqni saqlash sohasida yuzaga kelgan favqulodda holat sharoitidagi fors-major holatlari sabab prezident, senatorlar va deputatlarni saylash uchun 2020-yilning 17-may sanasida o‘tkazilishi rejalashtirilgan saylovlarni qoldirdi”, — deyiladi xabarda.
Zarurat tug‘ilib qolsa, saylovlarning ikkinchi turi 26-iyul kuni o‘tkaziladi.
Dominikanda favqulodda holat rejimi 31-aprelga qadar davom etadi. Mamlakatda 3167 kishida COVID-19 koronavirus infeksiyasi aniqlangan, hozirga qadar 177 kishi vafot etgan.
Izoh (0)