Hayvonot bog‘i direktori karantindagi hayvonlarga sintezatorda kuy chalib berdi (video)

Odessa hayvonot bog‘i direktori karantin vaqtida hayvonlarga sintezatorda klassik musiqa chalib berdi. Jarayon aks etgan video hayvonot bog‘i saytiga joylashtirildi.

Videoda yuziga niqob taqib olgan erkak turli jonivorlarga ularning qafasi yonida o‘tirib, kuy chalib berayotganini ko‘rish mumkin. Shu tariqa direktor maymun, fil, ayiq, echki va qushlarga konsert o‘tkazgan. Konsert repertuaridan, asosan, klassik musiqalar o‘rin olgan.

Biroq ayiqlar uchun bastakor Oskar Strok qalamiga mansub “Murka” kuyi chalib berilgan.