AQSh maxsus xizmatlari shifokorlarni qo‘llab-quvvatlash uchun kasalxona oldiga to‘planib, “migalka”larini yoqdi (video)

AQShning Kentukki shtatidagi Lake Cumberland Regional Hospital shifoxonasi oldiga mamlakatning barcha maxsus xizmatlari avtomashinalari yig‘ilib, koronavirusga qarshi kurashayotgan shifokorlar va bemorlarni qo‘llab-quvvatlash uchun “migalka”larini yoqib, o‘ziga xos tomosha uyushtirdi, deb xabar berdi WYMT.

Mashinalar besh daqiqa davomida “migalka”larini yoqib turgan.

“Hozir shunday vaqtki, insonlar o‘zlarini yordamga muhtoj his etmoqda. Tushunyapsizmi, bu uch, to‘rt, besh haftadan beri davom etmoqda, odamlar umidsizlikka tushmoqda”, — deydi ushbu yig‘inni tashkillashtirgan mahalliy politsiya boshlig‘i Uilyam Xant.

Xantning qo‘shimcha qilishicha, maxsus xizmatlar shu tariqa barcha aholini qo‘llab-quvvatlashni istagan.

“Biz barchaga kasallikni yengib o‘tishimizni eslatmoqchi bo‘ldik. Birlashganimizda esa jamiyatga yaxshi ibrat bo‘la olamiz”, — deydi Xant.

For five minutes, emergency vehicles were lit up as part of a tribute to health care workers at Lake Cumberland Regional Hospital in Kentucky. https://t.co/8DcnDelN06 pic.twitter.com/Lgzd7C4i42

— CNN International (@cnni) April 13, 2020