“Galatasaroy” klubi hujumchisi Radamel Falkao faoliyatini Qatar chempionatida davom ettirishi mumkin.
Ajansspor nashrining xabar qilishicha, kolumbiyalik futbolchi koronavirus sabab yuzaga kelgan inqiroz paytida maoshining kamayishiga rozi bo‘lmagan va istanbulliklar klubini tark etmoqchi.
Futbolchi Qatarning “As-Sadd” jamoasi bilan kelishib qo‘ygan. “Barselona” sobiq yarim himoyachisi Xavi boshqarayotgan jamoa Falkaoga yiliga 10 million yevro maosh taklif qilgan.
Shuningdek, 34 yoshli futbolchiga Saudiya Arabistonining “Al-Hilol” klubidan ham qiziqish bor. Klub vakillari Falkao bilan uchrashishga ulgurgan.
Joriy mavsum Falkao Turkiya chempionatida 14 o‘yin o‘tkazib, 9 ta gol urishga erishdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)