Adliya vazirligi ko‘chalarda harakatlanish maqsadida avtotransport vositalariga maxsus ruxsatnomani olish Toshkent va Nukus shaharlari hamda viloyatlar markazlarida Davlat xizmatlari markazlari tomonidan berilishini ma’lum qildi. Ruxsatnomalar berish tizimi 29-mart, yakshanba, soat 09:00 dan joriy etiladi.
Maxsus ruxsatnoma markazga tashrif buyurishdan oldin, oldindan telefon qilib, ma’lumotlar operator tomonidan to‘ldirilganidan so‘ng qabul qilinadi.
“Avvaldan ro‘yxatdan o‘tmagan yuridik va jismoniy shaxslarning arizalari ko‘rib chiqilmaydi”, – deyiladi vazirlik xabarida. Qo‘shimcha qilinishicha, birinchi navbatda oziq-ovqat va dori-darmon tashuvchi yuridik shaxslarning, keyin esa jismoniy shaxslarning arizalari qabul qilinadi.
Maxsus ruxsatnoma olish uchun Toshkent shahri, viloyatlar va Qoraqalpog‘iston Respublikasida Davlat xizmatlari markazlarining ro‘yxati:
Toshkent shahri:
- Bektemir tumani (71) 231-84-56;
- Mirzo Ulug‘bek tumani (71) 262-04-70;
- Mirobod tumani (71) 233-13-47;
- Olmazor tumani (71) 231-71-36;
- Sergeli tumani (71) 230-08-84;
- Uchtepa tumani (71) 217-47-82;
- Chilonzor tumani (71) 203-60-16;
- Shayxontohur tumani (71) 231-12-75;
- Yunusobod tumani (71) 235-41-42;
- Yakkasaroy tumani (71) 231-88-12;
- Yashnobod tumani (71) 231-19-34.
Eslatib o‘tamiz, respublika maxsus komissiyasi tomonidan shaxsiy transportdan foydalanishga cheklov qo‘yilgani haqida xabar berilgandi. Xususan, 30-mart soat 06:00 dan 20-aprel soat 00:01 ga qadar viloyatlararo, Toshkent va Nukus shaharlari hamda viloyatlar markazlarida Davlat xizmatlari markazlari tomonidan beriladigan maxsus ruxsatnoma (stiker)lar asosida avtotransport vositalari harakatlanishiga ruxsat beriladi.
Izoh (0)