“Inter” “Manchester Yunayted”dan ijaraga olingan Aleksis Sanchesni mavsum so‘ngida sotib olmaydigan bo‘ldi, deb yozadi Calciomercato.
Milanliklarning bunday qarorga kelishiga bir necha omillar sabab bo‘lgan. Jumladan, surunkali jarohatlar, transfer narxi va maoshning yuqoriligi “Inter”ning Sanchesni to‘liq sotib olish niyatidan qaytishiga olib kelgan.
Klub rahbariyati Sanchesni “Yunayted”ga qaytarib yuborgach, ikki hujumchi sotib olish niyatida. Ulardan biri Romelu Lukaku singari katta gavdaga ega bo‘lishi, ikkinchisi esa tezkor forvard bo‘lishi kutilmoqda.
Nashrga ko‘ra, jamoaning ayni damdagi asosiy hujumchilaridan biri Lautaro Martines katta ehtimol bilan yozgi transferlar vaqtida klubdan ketadi. Uning xizmatlariga “Barselona” jiddiy qiziqish bildirmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)