Navoiy shahridagi Makro savdo majmuasida yong‘in sodir bo‘ldi. Bu haqda FVV matbuot xizmati xabar bermoqda.
Qayd etilishicha, Navoiy viloyati favqulodda vaziyatlar boshqarmasi navbatchilik qismiga 17-mart, seshanba kuni, soat 14:15 da Navoiy shahri Islom Karimov ko‘chasidagi Makro savdo majmuasida yong‘in sodir bo‘lganligi to‘g‘risidagi xabar kelib tushgan.
Yuzaga kelgan hodisa oqibatida majmuaning tashqi va bufet qismida 150 kvadrat metr maydoni yongan. Voqea joyiga 7 ta o‘t o‘chirish mashinasi yetib borgan va yong‘in-qutqaruv guruhining olib borgan tezkor harakatlari natijasida yong‘in soat 14:35 da to‘liq bartaraf etilgan. Shuningdek, binoning 2130 kvadrat metr maydoni alangadan saqlab qolingan.
Yong‘inda halok bo‘lgan va jabrlanganlar qayd etilmagan. Holatning kelib chiqish sabablari va zarari aniqlanmoqda.
Izoh (0)