15-mart kuni soat 6:00 da Respublika Virusologiya instituti laboratoriyasida Fransiyada bo‘lib qaytgan O‘zbekiston fuqarosida COVID-19 koronavirusi infeksiyasi aniqlandi. Bu haqda “Daryo”ga Sanitariya-epidemiologik osoyishtalik agentligi ma’lum qildi.
“Hozirda epidemiologik surishtiruv hamda kasallikni tarqalib ketmasligi uchun profilaktik chora-tadbirlar to‘liq amalga oshirilmoqda”, — deyiladi agentlik axborotida. Agentlik holat yuzasidan qo‘shimcha ma’lumot taqdim etilishini qo‘shimcha qildi.
Avvalroq Janubiy Koreyadagi O‘zbekiston fuqarosida koronavirus kasalligi qayd etilgani haqida xabar berilgan edi.