Toshkent shahrining Uchtepa tumani Foziltepa ko‘chasida joylashgan avtoservislarning birida 14-mart kuni portlash ro‘y bergan. Bu haqdagi axborot Toshkent shahar Favqulodda vaziyatlar boshqarmasiga 11:15 larda kelib tushgan.
Foto: “Kun.uz”
Poytaxt IIBB axborot xizmatining xabar berishicha, voqea oqibatida xizmat ko‘rsatish binosi tomining bir qismi qulab tushgan. Jarohatlanganlar kasalxonaga yotqizilgan.
Qayd etilishicha, portlash kislorod ballonidan foydalanishda xavfsizlik qoidalarining buzilishi sabab yuzaga kelgan bo‘lishi mumkin. Hodisa joyida yong‘in ro‘y bermagan.
Foto: “Kun.uz”
Hozirda tergov harakatlari olib borilmoqda. Favqulodda vaziyatlar vazirligi, prokuratura va Toshkent shahar ichki ishlar boshqarmasi xodimlari voqea joyida ishlashmoqda.
Izoh (0)