O‘zbekiston Prezidenti Shavkat Mirziyoyev 10-mart, seshanba kuni, mamlakat hayotining qator sohalarida amalga oshiriladigan loyihalar taqdimoti bilan tanishgani haqida xabar berilgan edi.
Yig‘ilishda Toshkentdagi eski shaharni turizm va savdo zonasiga aylantirish bo‘yicha topshiriq berilgan. Shuningdek, Prezident loyihalarni yanada takomillashtirish, aholiga yanada ko‘proq qulayliklar yaratish bo‘yicha tavsiyalar berdi.
Bundan tashqari, Milliy arxivning yangi binosi qurilishi loyihasi muhokama qilindi. Qayd etilishicha, Milliy arxiv fondi mintaqadagi eng katta va noyob fondlardan biridir. Ayni paytda bu yerda tarixning turli davrlariga oid 1,800 millionta hujjat saqlanmoqda.
Arxivning yangi binosi zamonaviy me’moriy yechimlar va ilg‘or talablarni o‘zida mujassam etadi. Qurilish birinchi toifali o‘ta muhim binolar uchun mezon va talablarga muvofiq quriladi. Birinchidan, arxivlarning hajmini 3 million donaga yetkazish, omborxonani tashkil etish, o‘quv zalini kengaytirish, tadqiqotchilarga yuqori darajadagi xizmatni taqdim etish uchun zamonaviy axborot texnologiyalaridan keng foydalanish rejalashtirilgan.
Izoh (0)