O‘zbekiston Rossiyadan koronavirusni aniqlovchi test tizimlarini oldi, deb xabar bermoqda “RIA Novosti” Rospotrebnadzorga tayanib.
Qayd etilishicha, koronavirus tarqalishi munosabati bilan Rospotrebnadzor epidemiologik vaziyatni monitoring qilish va yordamga muhtoj davlatlarga ko‘mak berish maqsadida Yevrosiyo iqtisodiy ittifoqi (YeOII)ga a’zo mamlakatlar, O‘zbekiston, Ozarbayjon, Tojikiston, Turkmaniston, Mo‘g‘uliston, Xitoy va Eronga test tizimlarini bepul yuborgan.
COVID-19 koronavirus infeksiyasini laboratoriyada aniqlovchi jami 800 ta test tizimi jo‘natilgan bo‘lib, mutaxassislarga 80 mingta tadqiqot o‘tkazish imkonini beradi.
Avvalroq JSST vakili koronavirusning O‘zbekistonga kirib kelishi ehtimoli yuqori ekanini bildirgandi.
Shavkat Mirziyoyev 11-mart kuni mamlakatda jamoat salomatligini ta’minlash tizimi samaradorligini oshirish muhokamasiga bag‘ishlangan yig‘ilish o‘tkazib, koronavirusga qarshi kurash bo‘yicha Sog‘liqni saqlash vazirligiga topshiriqlar berdi.
Izoh (0)