Kuvayt hukumati yangi turdagi koronavirusning tarqalish xavfi munosabati bilan vazirlik va davlat tashkilotlari faoliyatini 12—26-mart oralig‘ida to‘xtatib turishga qaror qildi. Bu haqda mamlakat vazirlar mahkamasi vakili Toriq al-Muzramning so‘zlariga asoslanib, “RBK” xabar berdi.
Hukumat bayonotidan so‘ng mamlakat banklar assotsiatsiyasi ham ko‘rsatilgan muddatda banklar ham ishlamasligini ma’lum qildi.
Har bir provinsiyada banklarning bittadan filiallari ishlab turadi.
Shu bilan birga, fuqarolar elektron xizmatlardan, shu jumladan onlayn pul va xalqaro pul o‘tkazmalaridan foydalanishlari mumkin, odamlari pul olishi mumkin bo‘lishi uchun bankomatlar naqd pul bilan to‘ldiriladi.
Kuvayt fond birjasi ham 12-martdan ishini to‘xtatgan. Uning qachon ish boshlashi noma’lum.
Bundan tashqari, Kuvayt hukumati 13-martdan tijoriy aviareyslarni ham cheklashga qaror qildi. Endi Kuvayt xalqaro aeroportiga faqat mamlakat fuqarolari va ularning yaqinlarigina uchib kelishi mumkin. Yuk tashuvchi aviareyslar shtat bo‘yicha davom etadi.
JSST ma’lumotlariga ko‘ra, Kuvaytda 69 kishi koronavirusni yuqtirgan, kasallik qurbonlari haqida ma’lumot berilmagan.
Izoh (0)