Tojikiston Ichki ishlar vazirligi koronavirus haqida asossiz mish-mishlarni tarqatganlarni topish va ularni javobgarlikka tortishga va’da berdi, deb xabar qiladi Asia-Plus.
Facebook ijtimoiy tarmog‘i foydalanuvchisi Jamshid Abdullayev ichki ishlar vaziriga murojaat yo‘llagan.
“IIV vaziri Ramazon Rahimzodadan odamlar tomonidan ommaviy ravishda oziq-ovqat mahsulotlari xarid qilinayotgani sabab jonajon vatanimizda koronavirus tarqalgani haqida mish-mishlar bilan odamlar orasida vahima keltirib chiqarayotgan un va o‘simlik yog‘i yetkazib beruvchi bir guruh tijoratchilarga qarshi chora ko‘rishingizni so‘rayman”, — deb yozadi tarmoq foydalanuvchisi.
Ushbu murojaatga javoban IIV rostdan ham koronavirus haqidagi mish-mishlar asossiz ekanligini va unga aloqador barcha shaxslar qo‘lga olinishini ma’lum qilgan.
Eslatib o‘tamiz, 4—5-mart kunlari Tojikistonning barcha hududlarida, xususan, Dushanbe shahrida ham koronavirus haqidagi gap-so‘zlardan so‘ng odamlar ommaviy ravishda un, yog‘, shakar, yorma va boshqa oziq-ovqat mahsulotlarini xarid qilishga tushib ketgan.
Ta’kidlanishicha, shu kunlari unning narxi 15—20 foizga oshib ketgan. 6-mart kuniga kelib esa vahima bosilgan va vaziyat barqarorlashgan.
Mavzuga doir:
Izoh (0)