Western Union, “Zolotaya korona” va Contact pul o‘tkazish tizimlari Xitoyda pul o‘tkazmalarini qabul qilishda qiyinchiliklarga duch kelinayotganini ma’lum qildi, deb xabar bermoqda “RBK”. Koronavirusning tarqalishi sababli naqd pul berish punktlarining yopilishi o‘tkazmalar hajmining pasayishiga olib kelgan.
Western Union rasmiy veb-saytida kompaniya COVID-19 koronavirusi bilan bog‘liq vaziyatning rivojlanishini diqqat bilan kuzatayotgani, shu sababli “Xitoyning zarar ko‘rgan hududlarida xizmat ko‘rsatish punktlari ish vaqtlari odatdagidan farq qilishi mumkin”ligi qayd etilgan.
Western Union vakili qiyinchiliklarning moliyaviy oqibatlarini oshkor qilishdan xohlamagan, shuningdek, zarar ko‘rgan hududlardagi mijozlarga Western Union raqamli kanallari va hamkor banklar yordamida pul mablag‘larini olish va jo‘natishni tavsiya qilgan.
Avvalroq AliExpress jo‘natmalarning koronavirus sabab kechikishlar bilan yetib kelishi haqida ogohlantirgan edi.
Izoh (0)