Oq uyda koronavirusga qarshi kurash bo‘yicha nazoratchi tayinlandi

AQSh vitse-prezidenti Mayk Pens Oq uyning koronavirus tarqalishiga qarshi kurash bo‘yicha koordinatori lavozimiga Debbi Birksni tayinladi, u avval OIV/OITS epidemiyasiga qarshi kurashish muammolari bo‘yicha hukumat siyosatini olib borgan. Bu haqda “RIA Novosti” xabar qildi.

Oq uy matbuot xizmatining bayonotiga ko‘ra, Birks sog‘liqni saqlash va ijtimoiy xizmatlar vaziri Aleks Azar rahbarlik qilayotgan ishchi guruh tarkibiga kiritiladi. Ayolga AQSh milliy xavfsizlik kengashi xodimlari yaqindan yordam beradi.

Oq uyda Birksning o‘z faoliyatida davomida ko‘plab yangi qarorlarning qabul qilinishida muhim o‘rin egallagani, faolligi bilan taniqli mutaxassis, global sog‘liqni saqlash sohasidagi vrach sifatida ulkan muvaffaqiyatlarga erishgani ta’kidlangan. Jumladan, bayonotda Birksning OIVga qarshi vaksina ishlab chiqilishiga rahbarlik qilgani qayd etilgan.

AQSh prezidenti Donald Tramp 27-fevral kuni vitse-prezident Mayk Pensning mamlakatda koronavirus tarqalishiga qarshi kurash bo‘yicha ishlarni jadallashtirganini ma’lum qilgan. Davlat rahbarining aytishicha, AQShda koronavirusga chalingan 15 nafar bemor qayd etilgan, bir nafar odam anchayin og‘ir ahvolda.Tramp administratsiyasi kongressdan koronavirusga qarshi kurash hamda yangi vaksina ishlab chiqilishiga budjetdan 2,5 milliard dollar ajratishni so‘ragan. Senatdagi demokratlar ushbu so‘rov uchun Trampni tanqid qilgan va epidemiyaga qarshi kurashga ko‘proq ya’ni 8,5 milliard dollar ajratish lozimligini qayd etgan. Tramp kongressga ushbu harajatlar uchun anchayin katta mablag‘ ajratilishiga qarshilik qilmagani uchun minnatdorlik bildirgan.