Joriy yilning 16-fevral kuni Samarqand viloyati IIB YHXB YPX katta inspektori X.Berdiqulov belgilangan dislokatsiya asosida A-378 avtomobil yo‘lining 45-kilometrida “Qarshi—Samarqand” yo‘nalishida tezlik talablarini buzgan haydovchilarni aniqlovchi ko‘chma radar bilan xizmatga jalb etilgan. IIV Yo‘l harakati xavfsizligi bosh boshqarmasi uning xizmat davomida o‘ziga tegishli bo‘lgan shaxsiy Nexia-3 rusumli transport vositasi oldi tomoniga, yerga ko‘chma radarni o‘rnatgani yuzasidan ma’lumot berdi.
Inspektorning bu xatti-harakati noma’lum haydovchi tomonidan videotasvirga tushirilgan va ijtimoiy tarmoqlarga joylangan.
Hozirgi vaqtda mazkur holat yuzasidan YPX katta inspektori X.Berdiqulovga nisbatan Samarqand viloyati IIB YHXB mas’ul xodimlari tomonidan xizmat tekshiruvi o‘tkazilmoqda, deyiladi ma’lumotda.
Mavzuga doir:
- Namanganda telefondan bo‘lgan qarzini haydovchi hisobidan uzishni rejalashtirgan YPX inspektoriga hukm o‘qildi
- Toshkentda YPX inspektori pora bilan qo‘lga tushdi
- Qashqadaryoda haydovchi bilan qo‘pol munosabatda bo‘lgan YPX katta inspektori ishdan olindi
- Chinozda soxta YPX xodimi qo‘lga olindi. U ikki yil oldin ham xuddi shu qilmishi uchun jazoga tortilgan