Musoxon Oppoqov viloyat hokimi o‘rinbosari — Namangan viloyati Mahalla va oilani qo‘llab-quvvatlash boshqarmasi boshlig‘i etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Viloyat hokimligida Prezident maslahatchisi o‘rinbosari Olim Soliyev ishtirokida o‘tkazilgan yig‘ilishda viloyat hokimi Xayrullo Bozorov Mahalla va oilani qo‘llab-quvvatlash boshqarmasi rahbarlarini tanishtirdi.
Musoxon Oppoqov mazkur tayinlovga qadar Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Namangan viloyati Kengashi raisining birinchi o‘rinbosari lavozimida ishlab kelayotgan edi.
U 1958-yilda Namangan viloyatining Yangiqo‘rg‘on tumanida tug‘ilgan, iste’fodagi polkovnik. Qariyb 40 yil davomida ichki ishlar idoralarida turli vazifalarda faoliyat yuritgan.
Shuningdek, mazkur yig‘ilishda boshqarma boshlig‘ining xotin-qizlar, xavfsiz mahalla va faxriylar bo‘yicha o‘rinbosarlari ham tayinlandi.
Izoh (0)