Vyetnam politsiyasi Britaniyada yuk mashinasidan 39 nafar muhojirning jasadi topilgani ishi yuzasidan 7 kishini aybdor deb topdi, deb xabar bermoqda “RBK” Reuters’ga tayanib.
Jumladan, ular noqonuniy migratsiya tashkil etish va vositachilik qilishda ayblanmoqda. Qayd etilishicha, ularning oltitasi hibsga olingan bo‘lib, Xitoyda bo‘lgan yana bir kishi xalqaro qidiruvga berilgan.
Politsiya ma’lumotlariga ko‘ra, ayblanuvchilarning faoliyati tufayli Yevropa va Buyuk Britaniyaga 67 kishi noqonuniy yuborilgan.
Eslatib o‘tamiz, 2019-yilning oktabr oyi o‘rtalarida Angliyaning Greys shahridagi sanoat parkida yuk mashinasi ichidan 39 kishining jasadi topilgan edi. Ularning 31 nafari erkak, 8 nafari ayol kishi bo‘lgan.
Yuk mashinasi haydovchisiga qasddan bo‘lmagan qotillik bo‘yicha ayblov e’lon qilingan. Haydovchidan tashqari ushbu ish doirasida yana uch kishi: ikki erkak va bir ayol ham qo‘lga olingan.
Dastlab jasadlarning barchasi Xitoy fuqarolari ekanligi taxmin qilingan, keyinchalik ularning Vyetnam fuqarolari bo‘lishi mumkinligi ma’lum qilingan.
Izoh (0)