“Manchester Siti” yarim himoyachisi Rodri Ernandes Premyer Liga 26-turi doirasida “Vest Hem”ga qarshi kechgan bahsda ishtirok etdi.
23 yoshli ispaniyalik futbolchi uchrashuvda 188 imkoniyatdan 178 ta aniq uzatma amalga oshirdi (aniqlik — 94,7%). Mazkur ikki ko‘rsatkich Angliya chempionati rekordi hisoblanadi. Ushbu statistika 2003/04-yilgi mavsumdan buyon hisoblab kelinadi.
Ma’lumot uchun, mazkur o‘yinda “Vest Hem”ning barcha o‘yinchilari birgalikda 169 ta aniq uzatma amalga oshirgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)