Xitoy prezidenti Si Szinpin mazkur mamlakat xalqiga hamdardlik va ko‘rsatilgan yordam uchun O‘zbekiston Prezidenti Shavkat Mirziyoyevga minnatdorlik bildirdi. Bu haqda Prezident matbuot xizmati xabar berdi.
Xitoy Xalq Respublikasi raisi Si Szinpin O‘zbekiston Prezidenti Shavkat Mirziyoyevga yo‘llagan maktubda bunday deyilgan:
Muhtaram Prezident janoblari!Eslatib o‘tamiz, O‘zbekiston 12-fevral kuni Xitoyga koronavirusga qarshi kurashish uchun gumanitar yordam yuborgan edi. Xitoyga gumanitar yordam yuborish bo‘yicha Toshkent xalqaro aeroportida bo‘lib o‘tgan tadbirda O‘zbekiston tashqi ishlar vaziri o‘rinbosari Dilshod Ahatov O‘zbekiston Xitoyga har tomonlama yordam ko‘rsatishini aytgan edi.Xitoy koronavirus tarqalishiga qarshi olib borayotgan kurash munosabati bilan yo‘llagan ta’ziyanomangiz uchun Sizga samimiy minnatdorlik bildiraman.
Aytishganidek, qayerdadir kulfat yuz bersa, har yoqdan yordamga shoshiladilar. Dunyo hamjamiyati, shu jumladan O‘zbekiston, Xitoy hukumati va xalqiga hamdardlik bildirdi va turli ko‘rinishda qo‘llab-quvvatladi. Bu bizga bo‘lgan do‘stona munosabatni to‘liq namoyon etdi.
Xitoy epidemiyani profilaktika qilish va nazoratga olish borasida muvaffaqiyatga erishishiga ishonchi komil va bunga qodir, shuningdek, butun jahonda jamoat sog‘lig‘ini saqlash ishiga hissa qo‘shish yo‘lida xalqaro hamjamiyat bilan birgalikda ishlashga tayyor.
Men Xitoy—O‘zbekiston munosabatlarini rivojlantirishga katta e’tibor qaratmoqdaman hamda Siz bilan yaqin muloqotni davom ettirishga tayyorman.
Sizga mustahkam sog‘lik, faoliyatingizga muvaffaqiyatlar, do‘st O‘zbekistonga esa ravnaq va farovonlik tilayman.
Si Szinpin, Xitoy Xalq Respublikasi Raisi
Avvalroq, Turkiya sog‘liqni saqlash vaziri Faxriddin Ko‘ja O‘zbekiston Turkiyadan koronavirusni ikki soat davomida aniqlash imkonini beruvchi tibbiy anjomlarni xarid qilishini ma’lum qildi. Vazirga ko‘ra, Jahon sog‘liqni saqlash tashkiloti tavsiyalariga asosan ishlab chiqilgan mazkur tibbiy anjomlar koronavirusni 99,6 foizgacha aniqlik bilan topadi. O‘zbekiston va Qirg‘iziston bunday komplektlardan 10 mingtadan buyurtma qilgani bildirilmoqda, biroq ularning narxi aytilmagan.
Qashqadaryo viloyati sog‘liqni saqlash boshqarmasida “Yuqumli kasalliklar profilaktikasi” mavzusida o‘tkazilgan matbuot anjumanida viloyatda 189 nafar fuqaro koronavirusga qarshi tibbiy kuzatuvga olingani ma’lum qilindi.
Xitoy Milliy sog‘liqni saqlash komissiyasi ma’lumotlariga ko‘ra, so‘nggi bir sutka ichida mamlakatda koronavirus qurbonlari soni 142 kishiga ko‘payib, yana 1323 kishi kasallikni yuqtirib olgan. 16-fevral holatiga ko‘ra, Xitoyda 68 500 holatda koronavirus bilan xastalanish qayd etilgan, jahon bo‘yicha esa 69 mingdan ortiq inson virus bilan infeksiyalangan. Xitoyda koronavirus qurbonlarining umumiy soni 1665 kishiga yetgan, 9 419 kishi esa kasallikni yengib o‘tib, tuzalishga muvaffaq bo‘lgan.
Izoh (0)