Moliyaviy piramida tashkilotiga asos solgani uchun 150 yilga qamalgan Berni Meydoff bir yarim yil umri qolganini aytib, o‘zini ozodlikka chiqarishlarini so‘ramoqda. Bu haqda The New York Times xabar qilgan.
Nashrning qayd etishicha, Meydoff tarixdagi eng katta moliyaviy piramidalardan birini yaratgan.
Sobiq moliyachi surunkali buyrak yetishmovchiligi kasalligiga chalingan, ushbu ma’lumotni uning advokati taqdim etgan. Oqlovchining so‘zlariga ko‘ra, kasallik oxirgi bosqichga yaqinlashib qolgan. Meydoff jazo tariqasida belgilangan muddatning 10 yilini qamoqda o‘tkazdi.
“Meydoff o‘z jinoyatlarining jiddiyligi borasida bahslashmoqchi hamda o‘zi zarar yetkazgan insonlarning his-tuyg‘ularini yerga urmoqchi emas, biroq u suddan oz miqdorda bo‘lsa ham o‘ziga nisbatan mehribonroq va shafqatliroq bo‘lishni so‘ramoqda”, — deya advokat so‘zlarini keltirgan gazeta.
Meydoff 81 yoshda, u 2019-yil iyul oyida palliativ yordam ko‘rsatish bo‘limiga o‘tkazilgan. Buyrak kasalliklaridan tashqari mahkum yurak-qon tomir xastaliklari, xususan, gipertoniyadan ham aziyat chekadi.
Izoh (0)