Xitoyda yangi turdagi 2019-nCoV koronavirusi bilan kasallanganlar soni 24,3 mingga yetdi. Kasallik oqibatida vafot etganlar esa 490 kishini tashkil etmoqda. Bu haqda Xitoy sog‘liqni saqlash milliy komissiyasi xabar berdi.
Idora ma’lumotlariga ko‘ra, 4-fevral kuni shifokorlar kasallikka chalingan yana 3 887 kishini aniqlagan bo‘lib, ularning aksariyati Xuber provinsiyasidan. Bundan tashqari, o‘tgan bir kun ichida mintaqada 65 kishi vafot etgan.
Jami 3 219 kishi og‘ir ahvolda ekanligi aytilmoqda, 862 nafar bemor esa to‘liq davolanib, shifoxonadan ruxsat berilgan.
Mavzuga doir:
Avvalroq 4-fevral kuni Xitoydan 250 nafar o‘zbekistonlik olib kelingani haqida xabar berilgan edi.
Izoh (0)