Bugun, 4-fevral kuni, O‘zbekiston MTRK ishida katta uzilish kuzatilgani va barcha davlat telekanallarining efirga berilishi to‘xtab qolganligi haqida ijtimoiy tarmoqlarda tarqalgan xabarlarga “O‘zkomnazorat” davlat inspeksiyasi oydinlik kiritdi.
Qayd etilishicha, “Radioaloqa, radioeshittirish va televideniye markazi” DUKning xatiga asosan 4-fevral kuni markaz uskunalarida soat 01:00 dan 06:00 ga qadar rejadagi profilaktika ishlari olib borilgan va bu vaqt oralig‘ida davlat va nodavlat telekanallari signallarining raqamli uzatilishi vaqtincha to‘xtatilgan.
Ta’kidlanishicha, bu haqda “O‘zkomnazorat” davlat inspeksiyasi 3-fevral kuni o‘z rasmiy sayti www.gis.uz, Facebook’dagi rasmiy sahifasi hamda Telegram kanalida oldindan ogohlantirgan.
Izoh (0)