Joriy yilning 17-yanvar kuni Samaqand viloyati IIB Transportda xavfsizlikni ta’minlash bo‘limiga Jizzax viloyati Baxmal tumanida yashovchi fuqaro X.E. tomonidan yozma murojaat kelib tushgan. Unda Samarqand temiryo‘l vokzalidagi savdo do‘konlarida mahsulotlar, ayniqsa, non va non mahsulotlari boshqa joylardagi do‘konlarga qaraganda qimmat narxda, boz ustiga, chet el valyutalarida sotilayotgani aytilgan. Bu haqda O‘zbekiston Ichki ishlar vazirligi xabar berdi.
Ma’lum qilinishicha, shu kuni Samarqand temiryo‘l vokzalida ichki ishlar organlari xodimlari tomonidan tadbir o‘tkazilgan. Aniqlanishicha, vokzaldagi do‘konlardan birida savdo qiluvchi fuqaro B.O. 4 dona nonni 42 ming so‘m qaytim evaziga 500 rublga, yana bir uddaburon “savdogar” Q.B. 6 dona somsani 200 rublga sotgan. Yana bir sotuvchi kattaqo‘rg‘onlik N.M. esa 1 litrli Coca Cola ichimligini 100 rublga pullagan.
Yuqorida keltirilgan va aniqlangan boshqa barcha holatlar bo‘yicha tegishli hujjatlar rasmiylashtirilgan, qonuniy choralar ko‘riladi.
Izoh (0)