Prezidentning “O‘zbekiston Respublikasi qishloq xo‘jaligini rivojlantirishning 2020–2030-yillarga mo‘ljallangan strategiyasida belgilangan vazifalarni 2020-yilda amalga oshirish chora-tadbirlari to‘g‘risidagi”gi qarori imzolandi.
Qarorga ko‘ra, qishloq xo‘jaligini rivojlantirishning 2020–2030-yillarga mo‘ljallangan strategiyasi doirasida 2020-yilda “Sohada davlat ishtirokini kamaytirish, investitsiyaviy jozibadorlikni oshirish” yo‘nalishida quyidagi vazifalar amalga oshirilishi ko‘zda tutilgan:
- 2020-yil 1-martdan paxta xomashyosi va boshoqli don yetishtirishda band bo‘lmagan maydonlarni tuproq-iqlim sharoitlari va bozor konyunkturasidan kelib chiqqan holda tumanlarni bosqichma-bosqich ixtisoslashtirish tizimi joriy etiladi;
- kreditlash va sug‘urtalash mexanizmini qishloq xo‘jaligi va oziq-ovqat tarmog‘ining strategik ustuvor yo‘nalishlari hamda ehtiyojlariga mos ravishda takomillashtirish bo‘yicha normativ-huquqiy hujjat loyihasi ishlab chiqiladi.
- 2020-yil 1-aprelga qadar boshoqli don va paxtani qayta ishlash, resurs ta’minoti va xizmat ko‘rsatish sohalaridagi davlat ulushlari mavjud korxonalarni xususiylashtirish bo‘yicha takliflar Vazirlar Mahkamasiga kiritiladi.
Izoh (0)