AQSh prezidenti Donald Trampning yuristlari guruhi mamlakat Senatiga davlat rahbariga nisbatan e’lon qilingan hokimiyatni suiiste’mol qilish va Kongressga to‘sqinlik qilish bo‘yicha ayblovlarga javob yo‘lladi. Bu haqda “Kommersant” xabar bermoqda.
Yuristlarga ko‘ra, impichment jarayoni Amerika xalqining prezidentini emin-erkin saylash huquqiga tajovuzdir. Impichmentda na jarayon bilan bog‘liq, na konstitutsiyaviy asoslar bor. Prezident og‘ir jinoyat yoki xatti-harakatni sodir etganida lavozimidan chetlatilishi mumkin, Tramp esa bunga qo‘l urmagan.
“Bu 2016-yil saylovlari natijalarini bekor qilish va atigi bir necha oy qolgan 2020-yilgi saylovlarga aralashishga bo‘lgan andishasizlarcha va noqonuniy urinish”, — deyiladi javobda.
Izoh (0)