Farg‘ona viloyati hokimi Shuhrat G‘aniyev boshchiligida viloyatning barcha tashkilot rahbarlari Qirg‘iziston hududidagi anklav hudud – Cho‘ng‘ara qishlog‘iga tashrif buyurdi. Cho‘ng‘ara qishlog‘ida atigi 240 xonadon bor va 1400 nafar fuqaro yashaydi.
Farg‘ona viloyati hokimligi axborot xizmati “Daryo”ga ma’lum qilishicha, Cho‘ng‘ara qishlog‘ida yagona – 259 ta o‘quvchi tahsil oladigan o‘rta umumta’lim maktabiga 50 ta kompyuter, 2 000 ta o‘zbek va xorij adabiyoti kitoblari, boks, tennis, karate turlari bilan shug‘ullanish jihozlari, yuzdan ziyod voleybol, basketbol, futbol to‘plari, to‘garaklar uchun milliy cholg‘u asboblari, har bir kompyuter uchun 50 ta maxsus mebel stollari keltirildi.
Viloyat hokimi qarori bilan ushbu maktabga boshqa joydan qatnab ishlaydigan fan o‘qituvchilari yashashi uchun ikki qavatli 15 ta 3 xonali xonadoni bo‘lgan uy qurib beriladi.
Shuningdek, shifokorlar tomonidan qishloq aholisi tibbiy ko‘rikdan o‘tkazilib, Qishloq vrachlik punktiga 350 million so‘mlik 21 turdagi birinchi yordam dori vositalari hamda kerakli tibbiy anjomlar keltirilgan.
Tashrif davomida qishloqda 50 o‘rinli maktagacha ta’lim muassasasi ochildi.
Shuningdek, 240 xonadonning har biriga suyultirilgan gaz balonini bepul tarqatildi.
Izoh (0)