Eron rasmiylari amerikalik harbiylar imkon qadar kamroq jabrlanishi uchun AQShning Iroqdagi obyektlariga raketa zarbalarini atayin mo‘ljallab urgan. “TASS”ning yozishicha, bu haqda AQSh ma’muriyati yuqori martabali vakiliga tayanib, The Washington Post xabar berdi.
“Bu eronliklarga o‘z yuzini saqlab qolishi bilan bir qatorda har ikki tomonga urush ostonasidan chekinish imkoniyatini bergan. AQSh rasmiylari, [7-yanvar] seshanba kuniyoq Eron hujum qilmoqchi bo‘lgan obyektlar [ro‘yxat]ini bilgan, ammo ularning aynan qaysi biriga ekani noma’lum edi”, — degan u.
Eron AQSh harbiy obyektlariga zarba berilishi haqida Iroqni ogohlantirgan. O‘z navbatida Iroq rasmiylari hujumlardan bir necha soat oldin bu haqda AQSh harbiylariga tegishli ma’lumotlarni yetkazgan.
Izoh (0)