Andijon shahar hokimligi matbuot xizmati rahbari Gulshanoy Qoshqarovaga nisbatan u Andijon shahar hokimligining rasmiy Telegram kanali orqali jurnalist-bloger Xurshid Daliyevni haqorat qilib, unga nisbatan tuhmat qilgani uchun Ma’muriy javobgarlik to‘g‘risidagi kodeksning 40-moddasi (Tuhmat, ya’ni bila turib yolg‘on, boshqa bir shaxsni sharmanda qiluvchi uydirmalarni tarqatish) bilan ma’muriy ish qo‘zg‘atilgani haqida xabar berilgan edi.
Oliy sud matbuot xizmati rahbari Aziz Obidovning “Daryo”ga ma’lum qilishicha, bugun, 2020-yil 6-yanvar kuni Andijon shahar ma’muriy sudining ish yurituviga fuqaro Xurshid Daliyevning murojaati asosida Andijon shahar IIO FMB tomonidan O‘zbekiston Respublikasi Ma’muriy javobgarlik to‘g‘risidagi kodeksining 40-moddasi (tuhmat) va 41-moddasi (haqorat qilish) da nazarda tutilgan huquqbuzarliklarni sodir etganlikda ayblanayotgan Andijon shahar hokimiyati matbuot bo‘limi rahbari Gulshanoy Qo‘chqorovaga nisbatan yuritilgan ma’muriy huquqbuzarlik to‘g‘risidagi ish kelib tushdi.
Gulshanoy Qo‘chqorovaga oid ma’muriy ish Andijon shahar ma’muriy sudining ochiq sud majlisida ko‘rib chiqish uchun 2020-yil 8-yanvar kuni soat 11:00 ga tayinlangan.
Ishni ko‘rib chiqish vaqti va joyi haqida taraflarga xabar qilindi, deyiladi xabarda.
Izoh (0)