London klubi rahbariyati qishki transferlar oynasi yopilgunga qadar jamoa himoyachilari Markos Alonso hamda Emersonni sotib yuborishga harakat qiladi, deb yozmoqda Calciomercato.
Emersonning xizmatlariga “Yuventus” qiziqib qolgan. 25 yoshli futbolchining transferi 30 million yevroga baholanmoqda. U joriy mavsum “Chelsi” safida 15 ta o‘yin o‘tkazib, o‘z hisobida bitta golli uzatmani yozdirib qo‘ydi.
Markos Alonsoning transferi bo‘lsa, 25 million yevroga baholanmoqda. Ispaniyalik 29 yoshli himoyachi “aristokratlar” safida joriy mavsum 14 ta o‘yin o‘tkazib, uchta golli uzatma berdi va bitta gol urdi.
Emersonning amaldagi shartnomasi 2022-yil 30-iyuniga qadar amalda, Alonsoniki esa 2023-yil 30-iyunida yakuniga yetadi.
Ma’lumot uchun, “Chelsi” APLda 21-turdan so‘ng 36 ochko bilan musobaqa jadvalida 4-o‘rinni band etib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)