Turkiya parlamentida Liviyaga harbiylar yuborishga ruxsat berish yuzasidan qonun loyihasi ko‘pchilik ovoz bilan ma’qullandi. Hujjat prezident tomonidan ratifikatsiya qilindi va 3-yanvarda “Resmi Gazete” hukumat nashrida e’lon qilinib, kuchga kirdi.
Al-Arabiya telekanalining xabar qilishicha, turk qo‘shinlarining birinchi guruhi Liviyaga qonun kuchga kirganidan ikki kun o‘tgach jo‘natiladi. Reuters xabariga ko‘ra Turkiya Liviyaga tezkorlik bilan qo‘shin kiritmoqchi emas.
Avval AQSh prezidenti Donald Tramp Turkiya davlat rahbari Rajab Toyyib Erdo‘g‘on bilan telefon suhbatida Liviyada xorijlik harbiylarning bo‘lishi mamlakatdagi vaziyatni yanada og‘irlashtirishi haqida ogohlantirgandi. Gretsiya, Isroil va Kipr davlat rahbarlari ham Turkiyani bunday rejani amalga oshirmaslikka chaqirgan. Yevroittifoq ham vaziyatdan xavotirda ekanini bildirgan.
Izoh (0)