Qozog‘iston Ichki ishlar vazirligi mamlakatda bo‘lib turgan barcha toifadagi xorij fuqarolarining 30 kungacha vaqtincha ro‘yxatdan o‘tkazish tizimini bekor qildi, deb xabar beradi “Informbyuro”.
Migratsiya qonunchiligiga oid o‘zgartirishni Qozog‘iston prezidenti Qosim-Jo‘mart Toqayev 29-dekabr kuni imzolagan. U OAVda e’lon qilinganidan 10 kun o‘tib kuchga kiradi.
Xorijlik mehmon mamlakat hududiga kirib kelgani haqida uni qabul qiluvchi tomon uch ish kuni davomida migratsiya xizmatiga xabar berishi kerak. Xorijliklarning Qozog‘istonga kirish jarayoni bugungi kunda maksimal darajada osonlashtirilgan va migratsiya xizmati bo‘limlariga borish talab etilmaydi.
Viza-migratsiya portal orqali quyidagi hujjatlarni to‘ldirish zarur:
- Chet el fuqarosi, zarur hollarda uning farzandlari haqida ma’lumotlarni to‘ldirish;
- To‘ldirilgan anketani elektron raqamli imzo yordamida imzolash;
- 15 daqiqadan so‘ng tayyor hujjatni olish. U shaxsiy kabinetda saqlanadi.
Agar chet el fuqarosi Qozog‘istonda 30 kundan ko‘proq qolishni rejalashtirsa, qabul qiluvchi tomon (mehmonxonalar, yotoqxonalar, ijaraga olingan kvartiralar, tibbiy muassasalar va boshqa yuridik va jismoniy shaxslar) mehmonga vaqtincha yashash huquqini rasmiylashtirishi shart.
Izoh (0)