Latviyada rus tilida so‘zlashmoqchi bo‘lgan odamlarning pulini olish taklif qilindi

Jamoat tashkilotlari va xususiy kompaniyalarda Rigada yashaydigan rus tilida so‘zlashuvchi odamlar va shaharga mehmon bo‘lib kelganlardan latish tilidan tarjima qilish uchun pulli xizmatlar taklif qilish lozim, deya ta’kidlagan Latviya poytaxti Dumasining konservativ partiyasi deputati Eva Martuja.

Uning so‘zlariga ko‘ra, latish tilini bilmaydiganlar tarjimon izlab topishi va mutaxassisga besh daqiqalik xizmat va rus tilidan foydalanish uchun o‘n yevro to‘lashi lozim.

“Latish tilidan rus tiliga to‘g‘ridan-to‘g‘ri tarjima qanchaga tushadi? Besh daqiqa uchun 10 yevro. Eski xatolarni unutib, latviyaliklarga supermarketlar, barcha jamoat tashkilotlari va xususiy firmalarda bunday to‘lov tizimini tashkil qilish vaqti keldi. Tilni bilmaganlar marhamat qilib tarjimon qidirsin. Ushbu xizmat uchun esa pul to‘lash lozim”, — deb yozgan deputat Twitter’dagi akkauntida.

Latviyada latish tili davlat tili maqomiga ega. Rus tilida aholining 40 foiz qismi so‘zlashadi va u xorijiy til hisoblanadi.