Din ishlari bo‘yicha qo‘mita O‘zbekiston AQSh Davlat departamenti tomonidan Maxsus nazorat ro‘yxatida (Special Watch List) qoldirilganiga izoh berdi.
Ma’lum qilinishicha, AQSh Davlat departamenti bu yilgi hisobotida O‘zbekistonni “Alohida xavotir uyg‘otadigan davlatlar” ro‘yxatida emas, balki maxsus nazorat ro‘yxatida qoldirgan.Qayd etilishicha, 2018-yil 11-dekabr kuni O‘zbekiston din erkinligini ta’minlash yo‘lida salmoqli natijalarga erishgani e’tirof etilib, 2006-yildan beri qolayotgan “Alohida xavotir uyg‘otadigan davlatlar” (Countries of Particular Concern) ro‘yxatidan chiqarilgan edi. O‘zbekistonda olib borilgan keng ko‘lamli islohotlar natijasi sifatida mamlakat 12 yil deganda ushbu ro‘yxatdan chiqarilib, “Maxsus nazorat ro‘yxati”ga (Special Watch List) kiritilgan.
“Ushbu ro‘yxatni shakllantirish, qaysidir davlatni kiritish yoki chiqarish AQSh Davlat departamentining vakolatiga kiradi. Shunday ekan, O‘zbekiston mazkur ro‘yxatdan qachon chiqarilishi bizga aniq emas”, — deyiladi qo‘mita xabarida.
Izoh (0)