Shoshilinch tibbiy yordam shifoxonalari va “tez yordam” xizmati Yangi yil bayrami kunlari — 31-dekabr, 1—2-yanvarda odatdagi tartibda bir maromda uzluksiz ishlaydi, deya xabar bermoqda Sog‘liqni saqlash vazirligi Jamoatchilik bilan aloqalar bo‘limi.
Vazirlikdan ma’lum qilishlaricha, bugungi kunda mazkur tizim orqali kuniga 10 mingdan ko‘proq chaqiriqlarga “tez yordam” orqali tibbiy xizmat ko‘rsatiladi. 2,5 mingdan ziyod bemorlar shoshilinch tibbiy yordam muassasalariga gospitalizatsiya qilinadi.Bundan tashqari, tez yordam brigadalari dislokatsiyasi qayta ko‘rib chiqilib, aholi yashash punktlariga yaqinlashtirildi. Buning natijasida tez yordam brigadalarining xizmat ko‘rsatish radiusi 15—20 kilometrdan 8—12 kilometrgacha qisqardi.
“Endi O‘zbekistonda har 13 ming aholiga bitta maxsus tez yordam mashinasi xizmat ko‘rsatmoqda. Ushbu zamonaviy imkoniyat aholiga tibbiy xizmatni yaqinlashtirish va tez yordam xizmati sifatini yaxshilashda samarasini bermoqda”, — deyiladi vazirlik xabarida.
Izoh (0)