Navoiyda Yangi yil bayrami arafasida 2017-yilda tug‘ilgan Fayzbek va 2019-yilda tug‘ilgan E’zozaga yordam ko‘rsatildi. Bu haqda FVV matbuot xizmati “Daryo” ga xabar berdi.
29-dekabr kuni soat 11:48 da Navoiy viloyati FVB tezkor navbatchilik qismiga Navoiy shahri Me’morlar ko‘chasi 40-uyda istiqomat qiluvchi fuqaro R.B. xonadonida 2 nafar yosh farzandi qulflanib qolganligini aytib amaliy yordam so‘rab murojat qildi.
Mazkur murojaatga asosan soat 11:54 da voqea joyiga mas’ul navbatchi katta leytenant J.Sharopov rahbarligida qutqaruv otryadi zudlik bilan etib borib, maxsus gidravlik qaychi yordamida ichkaridan qulflanib qolgan xonadon eshigini ochib va uy ichida qolib ketgan 2 yoshli Fayzbek va bir yoshga to‘lmagan E’zoza ota-onasiga sog‘-salomat topshirildi.
Izoh (0)