Tashqi ishlar vazirligi xususiy bandlik agentliklari tomonidan Latviya va Litvaga yuborilgan va qiyin vaziyatga tushib qolgan O‘zbekiston fuqarolarining videomurojaati OAVda tarqalgani munosabati bilan mamlakatning Latviyadagi elchixonasi mazkur vaziyat nazoratda ekanligini ma’lum qildi.
Ayni paytda O‘zbekiston Bandlik va mehnat munosabatlari vazirligi huzuridagi Tashqi mehnat migratsiyasi agentligi bilan birgalikda muammoning yechimi ustida ish olib borilmoqda.
“Konsullik-huquqiy departamenti Latviya, Litva, Estoniya, Finlyandiya va Norvegiya hududida bo‘lib turgan O‘zbekiston fuqarolari zarur vaziyatlarda mamlakatimizning Riga shahridagi elchixonasiga quyidagi telefon raqamlari orqali murojaat qilishlari mumkinligini eslatadi: +371 67-32-24-24, +371 67-32-23-46”, — deyiladi xabarda.
Izoh (0)