Dennis Myulenburg Boeing kompaniyasi bosh direktori lavozimidan chetlatilgani uchun 39 million dollar tovon puli oladi. Bu haqda “Kommersant” xabar bermoqda.
Myulenburg joriy yil 23-dekabr kuni u bilan tuzilgan kontrakt muddatidan oldin bekor qilingani uchun lavozimini tark etgan edi.
ABC manbalariga ko‘ra, Boeing sobiq rahbariga to‘lanadigan tovon puli bundan ham baland bo‘lishi mumkin.
Qayd etish joizki, Boeing 737 MAX bilan bog‘liq ikki aviahalokatning 346 nafar qurboni oilalariga 144,5 ming dollardan tovon puli berilishi ko‘zda tutilgan. Kompaniya tomonidan maxsus tuzilgan fonddan ajratilgan 50 million dollar halok bo‘lganlarning yaqinlari o‘rtasida teng taqsimlanadi.
Mavzuga doir: Boeing rahbari Dennis Myulenburg iste’foga chiqdi
Izoh (0)