Suriya hukumati mamlakatdagi neft resurslari talon-toroj qilinganligi sabab AQShga qarshi da’vo arizasini kiritish niyatida. Bu haqda Suriya prezidentining maslahatchisi Buseyn Shaaban ma’lum qildi, deb xabar beradi “Kommersant”.
Maslahatchining so‘zlariga ko‘ra, hozirda xalqaro darajada qanday qonuniy chora ko‘rilishi mumkinligi o‘rganilmoqda.
“Biz Suriya neftlari talon-toroj qilingani ustidan Vashingtongga qarshi da’vo ishini tayyorlamoqdamiz”, — deydi Shaaban.
Oktabr oyida Donald Tramp Suriyadan Amerika qo‘shinlarini olib chiqib ketish fonida u yerdagi obyektlarni qo‘riqlashni davom ettirish rejasini bildirgandi. Mazkur bayonot Suriyada o‘tkazilgan “Tinchlik bulog‘i” harbiy operatsiyasi vaqtida ma’lum qilingandi. Keyinroq esa Vashington Suriyadagi ishtirokini yanada kuchaytirish rejasini oshkor etdi.
Izoh (0)