UzAuto ishlab chiqaradigan to‘rtta yangi yo‘ltanlamasning taxminiy narxlari aytildi

UzAuto Motors tomonidan 25-dekabr kuni Toshkentda taqdimoti o‘tkazilgan Chevrolet’ning to‘rtta yangi modelining taxminiy narxlari aytildi.

Ayni vaqtda marketolog Malik Karimov @trolluz’ning postiga munosabat bildirib, Traverse modeli sinf bo‘yicha Trailblazer’dan yuqoriroq turishini ta’kidlagan. “Trailblazer’ning narxi 40 ming dollardan past bo‘lishi aniq”, — deb yozgan u. Malik Karimov avvalroq Trailblazer’ning eng hashamatli versiyasi 38 ming dollardan, Equinox esa undan pastroq narxda sotuvga chiqarilishi mumkinligi haqida yozgandi.

Qayd etish joiz, yangi modellarning eng arzoni 35—40 ming dollardan, eng qimmati esa 70 ming dollardan yuqori narxda sotuvga chiqarilishi haqidagi ma’lumotlarni 25-dekabrdagi taqdimotda qatnashgan boshqa xabardor manbalar ham tasdiqladi. UzAuto Motors kompaniyasi hozircha avtomobillarning narxlarini rasman e’lon qilgani yo‘q.

Ma’lumot uchun, Trailblazer 26-dekabrdan sotuvga chiqariladi, Traverse va Tahoe esa 2020 yil boshida salonlarda paydo bo‘ladi, Equinox esa mart—aprel oylarida sotuvga chiqishi kutilmoqda.