Rossiya futbol ittifoqi va “Sport-Ekspress” nashri Rossiyaning 2019-yildagi eng yaxshi o‘yinchisi nomini ma’lum qildi.
Unga ko‘ra “Zenit” hujumchisi Artyom Dzyuba yilning eng yaxshi o‘yinchisi nomiga loyiq ko‘rildi. Dzyuba o‘tgan yili ham mazkur sovringa ega chiqqandi.
So‘rovnomada 16 nafardan professional murabbiy, menejer va jurnalistlar ishtirok etdi. Shuningdek “Sport-Ekspress” mushtariylari o‘rtasida so‘rovnoma o‘tkazildi.
Mazkur ro‘yxatda o‘zbekistonlik hujumchi Eldor Shomurodov to‘rtinchi o‘rinni qo‘lga kiritdi. Shomurodov jami 86 ball to‘plagan (muxlislar so‘rovnomasida 64 ball, menejerlar — 8, mubarriylar — 6, jurnalistlar —4). Eldor muxlislar o‘rtasida o‘tkazilgan so‘rovnomada ikkinchi o‘rinni egallagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)