Samarqand viloyati Payariq tumanida o‘z xonadonida pul evaziga o‘zgalarning jinsiy aloqa qilishi uchun sharoit yaratib bergan 26 yoshli Alisher Nodirov ismli fuqaroga (ism-familiya o‘zgartirilgan) nisbatan sud hukmi o‘qildi. Bu haqda jinoyat ishlari bo‘yicha Payariq tumani sudi sudyasiga tayanib, Zarnews xabar berdi.
Alisher o‘zi tanimagan, tadbirga jalb qilingan To‘ra Boliyev ismli shaxsga tanishi bilan jinsiy aloqa qilishi uchun 50 ming so‘mga xonadonini berib turgan. Pullarni olayotgan vaqtda Payariq tumani IIB JQB xodimlari tomonidan qo‘shmachi yigit qo‘lga olingan.
Aniqlanishicha, Alisher Nodirov shu uyda 2000-yildan buyon istiqomat qilib keladi, ota-onasi vafot etgan. U sud majlisida qilgan ishidan chin ko‘ngildan pushaymonligini, pul zarur bo‘lganligi sababli pulga muhtoj bo‘lib, notanish qiz va yigitga nomaqbul ishlari uchun yashash uyida sharoit yaratib berganligini, kelgusida bu kabi jinoyatga aslo qo‘l urmasligini haqida ko‘rsatma bergan.
Sud fuqaroviy da’vo mavjud emasligini e’tiborga olib, unga 250 soat majburiy jamoat ishlari jazosini tayinladi.
Tayinlangan majburiy jamoat ishlari jazosi Payariq tuman IIO probatsiya guruhi tomonidan belgilab beradigan joylarda o‘tash belgilandi.
Izoh (0)