O‘zbekistonda xizmat safari bilan bo‘lib turgan Tojikiston poytaxti – Dushanbe shahri meri Rustam Emomali bugun, 4-dekabr kuni Samarqandga keldi, deb xabar beradi O‘zA.
Rustam Emomali Samarqand viloyati hokimi Erkinjon Turdimov hamrohligida Islom Karimov maqbara-majmuasiga tashrif buyurdi va O‘zbekiston Respublikasining Birinchi Prezidenti xotirasiga hurmat bajo keltirdi.
Shuningdek, yuqori martabali mehmon Imom Buxoriy xalqaro ilmiy-tadqiqot markaziga ham tashrif buyurgan.
Mehmon markaz muzeyida bo‘lib, buyuk muhaddisning hayoti va izlanishlari haqida hikoya qiluvchi surat va eksponatlarni ko‘zdan kechirdi hamda Imom Buxoriy g‘oyat noyob, o‘ta qimmatli meros qoldirganini, shu bois haqli ravishda nafaqat o‘zbek va tojik xalqlari, balki butun islom dunyosining yuksak ehtiromiga sazovor ekanini ta’kidladi.
Avvalroq Rustam Emomali O‘zbekiston Prezidenti Shavkat Mirziyoyev va Toshkent shahar hokimi Jahongir Ortiqxo‘jayev bilan uchrashgani haqida xabar berilgan edi.
Izoh (0)