Davlat dasturlari asosida maktablarda o‘quvchilar uchun sifatli va arzon ovqatlanish xizmatlari tashkil qilinadi. Bu haqda 29-noyabr kuni O‘zbekiston bosh vaziri o‘rinbosari — Xotin-qizlar qo‘mitasi raisi Elmira Bositxonova onalik va bolalikni muhofaza qilish bo‘yicha amalga oshirilgan ishlar yuzasidan tashkil etilgan matbuot anjumanida aytib o‘tdi.
“Daryo” muxbiri Musulmonbek Ibrohimovning xabar berishicha, anjumanda mamlakatda onalik va bolalikni muhofaza qilish, reproduktiv salomatlik muhitini yanada yaxshilash masalalari muhokama qilingan.
Muloqotda jurnalistlar maktablarda ko‘pchilik o‘quvchilar ikkinchi smenada o‘qishi, lekin ovqatlanish uchun yetarli sharoitlar yaratilmagani, ko‘p joylarda hatto oshxonalar yo‘qligi haqida savol bilan murojaat qildi. Ushbu savolga javob berarkan bosh vazir o‘rinbosari kelgusida maktablarda o‘quvchilar uchun barcha sharoitlar yaratilishini ta’kidlagan.
Davlat dasturlari asosida maktablarda o‘quvchilar uchun sifatli va arzon ovqatlanish xizmatlari tashkil qilinishini ko‘zda tutilgan. Lekin men maktablarda ikkinchi smenada o‘qish tizimiga qo‘shilmayman. Ona sifatida maktablarda ikkinchi smena bo‘lishini qoralayman.Elmira Bositxonova, O‘zbekiston xotin-qizlar qo‘mitasi raisi
Izoh (0)